बॅरिस्टर नानाभॉय ऊर्फ नानी अर्देशीर पालखीवाला

नानी पालखीवाला बॅरिस्टर नानाभॉय ऊर्फ नानी अर्देशीर पालखीवाला ( १६ जानेवारी १९२० - ११ डिसेंबर २००२ ) हे भारतातील कायदेपंडित ,  घटनातज्ज्ञ आणि अर्थतज्ज्ञ होते . त्यांची भारताच्या अर्थसंकल्पांवरची दरवषींची भाषणे अत्यंत लोकप्रिय होती . ही भाषणे मुंबईतील ब्रेबॉर्न स्टेडियमसारख्या मोठ्या मैदानांवर व्हायची . भाषणे ऐकायला पांढरपेशा सुशिक्षित श्रोत्यांची गर्दी होत असे . नानी पालखीवाला यांनी  १९७७ ते  १९७९ या कालावधीत भारताचे अमेरिकेतील राजदूत म्हणूनही काम पाहिले . भारत सरकारने त्यांना १९९८  मध्ये पद्मविभूषण या पुरस्काराने सन्मानित केले . नानींचा जन्म मुंबई येथे १९२० मध्ये  एका मध्यमवर्गीय पारशी कुटुंबात  झाला . त्यांचे शालेय शिक्षण मुंबईतील मास्टर्स ट्युटोरियल हायस्कूल व सेंट झेविअर हायस्कूल येथे झाले . मुंबई विद्यापीठात लेक्चरर म्हणून नोकरी करण्याची त्यांची इच्छा होती . पण तेथे त्यांची निवड झाली नाही . मनासारखी नोकरी मिळाली नाही म्हणून त्यांनी पुढे शिकत राहण्याचा निर्णय घेतला . पण तोपर्यंत सगळीकडचे प्रवेश बंद झाल्यामुळे नाइलाजाने त्यांनी मुंबईच्या गव्हमेंट लॉ कॉलेजमध्ये  प्रवेश घेतला . पण लवकरच त्यांच्या लक्षात आले , आपल्याला बानी कायदा हा विषय आवडतो आहे . १९४४ मध्ये त्यांनी कायद्याची  सनद घेतली व नंतर ते इंग्लंडला जाऊन बॅरिस्टर झाले . .